1ܒܲܣ ܐܸܠܲܢ ܚܲܝܠܵܢܹ̈ܐ ܘܵܓ̰ܸܒ ܝܼܠܵܗ̇ ܕܡܲܪ̈ܥܹܐ ܕܙܲܒܘܼܢܹ̈ܐ ܛܵܥܢܵܚ؛ ܘܠܵܐ ܠܓܵܢܲܢ ܫܵܦܪܵܚ. 2ܐܸܠܵܐ ܟܠ ܐَܢܵܫܵܐ ܡܸܢܲܢ ܫܵܦܸܪ ܠܫܒܼܵܒܼܘܼܗܝ ܒܛܵܒܼܵܬܹ̈ܐ؛ ܐܲܝܟܼ ܕܠܒܸܢܝܵܢܵܐ. 3ܣܵܒܵܒ ܐܘܼܦ ܡܫܝܼܚܵܐ ܠܓܵܢܹܗ ܠܵܐ ܫܦܸܪܹܗ؛ ܐܸܠܵܐ ܐܲܝܟܼ ܕܝܼܠܹܗ ܟܬܝܼܒܼܵܐ؛ ܠܵܘܡܹ̈ܐ ܕܠܵܝܡܵܢܘܼ̈ܟ ܢܦܸܠܘܿܢ ܥܲܠܝܼ. 4ܣܵܒܵܒ ܟܠ ܡܸܢܕܝܼ ܕܡ̣ܢ ܩܵܕَܡܵܝܬܵܐ ܦܸܫܠܹܗ ܟܬܝܼܒܼܵܐ؛ ܠܝܘܼܠܦܵܢܵܐ ܕܝܲܢ ܦܸܫܠܹܗ ܟܬܝܼܒܼܵܐ؛ ܕܒܚܡܵܠܬܵܐ ܘܒܝܵܗَܒܲܠܬܵܐ ܕܠܸܒܵܐ ܕܟܬܵܒܹ̈ܐ ܗܵܘܝܵܐ ܠܲܢ ܗܹܒܼܝܼ. 5ܘܐܲܠܵܗܵܐ ܕܚܡܵܠܬܵܐ ܘܕܝܵܗَܒܲܠܬܵܐ ܕܠܸܒܵܐ ܝܵܗَܒܸܠ ܠܵܘܟܼܘܿܢ ܕܗܲܪ ܚܲܕَ ܡܸܢܕܝܼ ܚܵܫܒܼܝܼܬܘܿܢ ܚܲܕَ ܥܲܠ ܕܗ̇ܘ ܐَܚܹܪَܢܵܐ؛ ܒܝܼܫܘܿܥ ܡܫܝܼܚܵܐ؛ 6ܕܒܚܲܕَ ܚܝܼܵܠ؛ ܘܒܚܲܕَ ܦܘܼܡܵܐ؛ ܫܵܒܿܚܝܼܬܘܿܢ ܠܐܲܠܵܗܵܐ ܒܵܒܹܗ ܕܡܵܪܲܢ ܝܼܫܘܿܥ ܡܫܝܼܚܵܐ. 7ܣܵܒܵܒ ܕܐܵܗܵܐ ܩܵܒܿܠܘܿܢ ܚܲܕَ ܠܗ̇ܘ ܐَܚܹܪَܢܵܐ؛ ܕܵܐܟܼܝܼ ܐܘܼܦ ܡܫܝܼܚܵܐ ܩܘܼܒܠܹܝܬܘܿܢ ܝܠܹܗ ܠܚܸܩܪܹܗ ܕܐܲܠܵܗܵܐ. 8ܣܵܒܵܒ ܒܹܐܡܵܪܵܐ ܝܘܸܢ ܕܝܼܫܘܿܥ ܡܫܝܼܚܵܐ ܗَܘܹܐ ܠܹܗ ܚܸܠܡܲܬܟܵܪ ܕܓܙܘܼܪܬܵܐ ܣܵܒܵܒ ܕܣܲܪܲܣܬܘܼܬܵܐ ܕܐܲܠܵܗܵܐ؛ ܕܡܲܩܘܹܐ ܗَܘܵܐ ܩܵܘܠܹ̈ܐ (ܝܘܼܗَܒܹܐ) ܠܐܲܒܼܵܗܵܬܹ̈ܐ؛ 9ܘܕܛܵܝܸܦܹ̈ܐ ܫܵܒܿܚܝܼ ܠܐܲܠܵܗܵܐ ܣܵܒܵܒ ܕܪ̈ܲܚܡܹܐ؛ ܐܲܝܟܼ ܕܝܼܠܹܗ ܟܬܝܼܒܼܵܐ؛ ܣܵܒܵܒ ܕܐܵܗܵܐ ܒܸܬ ܡܵܘܕܸܢ ܐܸܠܘܼܟܼ ܓܵܘܵܐ ܕܛܵܝܸܦܹ̈ܐ؛ ܘܠܫܸܡܘܼܟܼ ܒܸܬ ܙܵܡܪܸܢ 10ܘܡܸܢَܕܪܸܫَ ܐَܡܝܼܪܹܗ؛ ܥܒܼܘܿܕܘܿܢ ܒܘܼܣܵܡܵܐ؛ ܡܸܠܲܬܹ̈ܐ؛ ܥܲܡ ܛܵܝܸܦܹܗ. 11ܘܡܸܢَܕܪܸܫَ؛ ܫܵܒܿܚܘܿܢ ܠܡܵܪܝܵܐ؛ ܟܠܵܘܟܼܘܿܢ ܛܵܝܸܦܹ̈ܐ؛ ܫܵܟܪܘܿܢ ܠܹܗ؛ ܟܠܵܝܗܝ ܡܸܠܲܬܹ̈ܐ. 12ܘܡܸܢَܕܪܸܫَ ܐܸܫܲܥܝܵܐ ܐَܡܝܼܪܹܗ؛ ܒܸܬ ܗܵܘܹܐ ܥܸܩܪܵܐ ܠܐܝܼܫܲܝ؛ ܘܗ̇ܘ ܕܩܵܝܸܡ ܕܗܵܘܹܐ ܪܹܫܵܐ ܠܛܵܝܸܦܹ̈ܐ؛ ܥܲܠܘܼܗܝ ܒܸܬ ܦܵܝܫܝܼ ܒܗܹܒܼܝܼ ܛܵܝܸܦܹ̈ܐ. 13ܐܝܼܢܵܐ ܐܲܠܵܗܵܐ ܕܗܹܒܼܝܼ ܡܵܠܹܐ ܠܵܘܟܼܘܿܢ ܟܠܵܗܿ ܚܲܕܘܼܬܵܐ؛ ܘܫܠܵܡܵܐ ܒܗܲܝܡܵܢܘܼܬܵܐ؛ ܕܙܵܝܕܝܼܬܘܿܢ ܒܗܹܒܼܝܼ؛ ܒܚܲܝܠܵܐ ܕܪܘܼܚܵܐ ܕܩܘܼܕܫܵܐ. 14ܘܐܘܼܦ ܐܵܢܵܐ ܗܲܪ ܗܘܼܡܸܢܵܐ ܝܘܸܢ ܒܘܼܬ ܕܝܼܵܘܟܼܘܿܢ؛ ܐܵܚܘܿܢܘܵܬܝܼ̈؛ ܕܐܘܼܦ ܐܲܚܬܘܿܢ ܛܵܒܼܬܵܐ؛ ܘܬܲܡܵܡ ܝܼܬܘܿܢ ܒܟܠܵܗܿ ܝܕܥܹܬܵܐ؛ ܘܕܡܵܨܝܼܬܘܿܢ ܐܘܼܦ ܠܝܼܵܗَܒܼܵܐ ܢܲܨܝܼܗܲܬ ܚܲܕَ ܠܗ̇ܘ ܐَܚܹܪَܢܵܐ. 15ܐܝܼܢܵܐ ܙܵܘܕܵܐ ܒܩܲܫܕܲܪܬܵܐ ܟܬܸܒܼܠܝܼ ܐܸܠܵܘܟܼܘܿܢ ܒܚܲܕَ ܣܵܡܵܐ؛ ܐܵܚܘܿܢܘܵܬܝ̈؛ ܕܡܲܕܟܼܸܪܸܢܵܘܟܼܘܿܢ؛ ܣܵܒܵܒ ܕܫܵܦܵܩܲܬ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܝܼ ܡ̣ܢ ܐܲܠܵܗܵܐ؛ 16ܕܗܵܘܸܢ ܚܸܠܡܲܬܟܵܪ ܕܝܼܫܘܿܥ ܡܫܝܼܚܵܐ ܠܛܵܝܸܦܹ̈ܐ؛ ܘܦܵܠܚܸܢ ܠܐܹܘܵܢܓܵܠܝܼܘܿܢ ܕܐܲܠܵܗܵܐ؛ ܕܡܲܩܪܲܒܼܬܵܐ ܕܛܵܝܸܦܹ̈ܐ ܗܵܘܝܵܐ ܡܲܩܒܘܼܠ؛ ܘܡܩܘܼܕܸܫܬܵܐ ܒܪܘܼܚܵܐ ܕܩܘܼܕܫܵܐ. 17ܐܝܼܬ ܠܝܼ ܗܲܕܟܼܵܐ ܫܘܼܒܼܗܵܪܵܐ ܒܝܼܫܘܿܥ ܡܫܝܼܚܵܐ ܒܡܸܢܕܝܼܵܢܹ̈ܐ ܕܠܟܸܣ ܐܲܠܵܗܵܐ. 18ܣܵܒܵܒ ܠܹܐ ܩܲܫܕܸܪܸܢ ܕܐܵܡܪܸܢ ܥܲܠ ܡܸܢܕܝܼܵܢܹ̈ܐ ܕܠܵܐ ܦܠܸܚܠܹܗ ܡܫܝܼܚܵܐ ܒܐܝܼܕܝܼ̈؛ ܠܡܲܫܡܵܥܝܬܵܐ ܕܛܵܝܸܦܹ̈ܐ؛ ܒܗܹܡܸܙܡܵܢ ܘܒܦܘܼܠܚܵܢܹ̈ܐ؛ 19ܒܚܲܝܠܵܐ ܕܢܝܼܫܲܢܩܹ̈ܐ ܘܕܥܵܓܸܒܘܼ̈ܝܵܬܵܐ؛ ܘܒܚܲܝܠܵܐ ܕܪܘܼܚܹܗ ܕܐܲܠܵܗܵܐ؛ ܗܲܕܟܼܵܐ ܕܡ̣ܢ ܐܘܿܪܸܫܠܸܡ؛ ܘܚܵܕܸܪܘܵܢܹܐ ܗܲܠ ܐܸܠܘܿܪܝܼܩܘܿܢ؛ ܬܘܼܡܸܡܵܐ ܝܘܸܢ ܡܲܫܚܲܕܬܹܗ؛ 20ܟܲܕ ܗܲܕܟܼܵܐ ܚܵܒܿܘܿܛܹܐ ܝܘܸܢ ܕܡܲܫܚܸܕܸܢ؛ ܠܵܐ ܐܲܝܟܵܐ ܕܦܸܫܠܹܗ ܩܸܪܝܵܐ ܫܸܡܹܗ ܕܡܫܝܼܚܵܐ؛ ܕܠܵܐ ܒܵܢܸܢ ܥܲܠ ܒܸܢܝܲܬ ܕܚܲܕَ ܐَܚܹܪَܢܵܐ؛ 21ܐܸܠܵܐ ܕܵܐܟܼܝܼ ܕܝܼܠܹܗ ܟܬܝܼܒܼܵܐ؛ ܘܐܵܢܝܼ ܕܠܵܐ ܦܸܫܠܹܗ ܐَܡܝܼܪܵܐ ܐܸܠܵܝܗܝ ܒܘܼܬ ܕܝܹܗ؛ ܒܸܬ ܚܵܙܝܼ ܠܹܗ؛ ܘܐܵܢܝܼ ܕܠܵܐ ܫܡܸܥܠܗَܘܿܢ ܒܸܬ ܦܲܪܡܝܼ. 22ܣܵܒܵܒ ܕܐܵܗܵܐ ܦܸܫܠܝܼ ܡܘܼܟܠܝܼܵܐ ܐܲܢܹܐ ܪܵܒܵܐ ܓܵܗܹ̈ܐ ܡ̣ܢ ܕܐܵܬܸܢ ܠܟܸܣܠܵܘܟܼܘܿܢ. 23ܐܝܼܢܵܐ ܐܵܕܝܼܵܐ؛ ܣܵܒܵܒ ܕܐَܚܹܪَܢܵܐ ܕܘܼܟܵܐ ܠܲܝܬ ܠܝܼ ܒܐܲܢܹܐ ܐܲܬܪܵܘܵܬܹܐ؛ ܘܫܘܼܗَܘܸܬܵܐ ܝܘܸܢ ܗَܘܵܐ ܡ̣ܢ ܩܵܕَܡ ܪܵܒܵܐ ܫܸܢܹ̈ܐ ܕܐܵܬܸܢ ܠܟܸܣܠܵܘܟܼܘܿܢ؛ 24ܐܝܼܡܲܢ ܕܐܵܙܸܠَܢ ܠܐܸܣܦܵܢܝܼܵܐ؛ ܣܵܒܵܒ ܐܝܼܬ ܠܝܼ ܗܹܒܼܝܼ ܕܟܲܕ ܥܵܒܼܕܸܢ ܣܵܦܵܪ ܚܵܙܸܢܵܘܟܼܘܿܢ؛ ܘܐܲܚܬܘܿܢ ܡܲܦܫܸܛܝܼܬܘܿܢ ܠܝܼ ܠܬܵܡܵܐ؛ ܐܸܢ ܩܵܕَܡܵܝܬܵܐ ܚܲܕَ ܩܵܕܸܪ ܦܵܝܫܸܢ ܡܸܠܝܵܐ ܒܘܼܣܵܡܵܐ ܒܚܙܵܝܬܵܘܟܼܘܿܢ؛ 25ܐܝܼܢܵܐ ܐܵܕܝܼܵܐ؛ (ܒܹܐܡܵܪܵܐ ܝܘܸܢ)؛ ܒܹܐܙܵܠܵܐ ܝܘܸܢ ܠܐܘܿܪܸܫܠܸܡ؛ ܕܥܵܒܼܕܸܢ ܚܸܠܡܲܬ ܠܩܲܕܝܼܫܹ̈ܐ. 26ܣܵܒܵܒ ܕܒܣܸܡܠܵܐ ܠܗَܘܿܢ ܐܵܢܝܼ ܕܒܡܵܩܸܕܘܿܢܝܼܵܐ ܘܒܵܐܟܼܵܐܝܼܵܐ؛ ܕܗܵܘܝܵܐ ܠܗَܘܿܢ ܫܲܪܝܼܟܘܼܬܵܐ ܥܲܡ ܡܸܣܟܹܢܹ̈ܐ ܩܲܕܝܼܫܹ̈ܐ ܕܓܵܘ ܐܘܿܪܸܫܠܸܡ. 27ܒܣܸܡܠܵܐ ܠܗَܘܿܢ؛ ܣܵܒܵܒ ܕܐܘܼܦ ܕܵܝܢܵܢܹ̈ܐ ܝܢܵܐ ܐܸܠܝܼ. ܣܵܒܵܒ ܐܸܢ ܒܡܸܢܕܝܼܵܢܹ̈ܐ ܕܪܘܼܚܵܐ ܦܸܫܠܗَܘܿܢ ܫܘܼܪܟܹܐ ܥܲܡܵܝܗܝ ܛܵܝܦܹ̈ܐ؛ ܕܵܝܢܵܢܹ̈ܐ ܝܢܵܐ ܕܐܘܼܦ ܒܡܸܢܕܝܼܵܢܹ̈ܐ ܕܒܸܣܪܵܐ ܥܵܒܼܕܝܼ ܠܗَܘܿܢ ܚܸܠܡܲܬ. 28ܗܲܕܟܼܵܐ ܐܝܼܡܲܢ ܕܬܲܡܸܡܸܢ ܠܐܵܗܵܐ؛ ܘܚܵܬܡܸܢ ܐܸܠܵܝܗܝ ܐܵܗܵܐ ܛܥܘܼܢܬܵܐ؛ ܒܸܬ ܥܵܒܼܪܸܢ ܡ̣ܢ ܠܟܸܣܠܵܘܟܼܘܿܢ ܠܐܸܣܦܵܢܝܼܵܐ. 29ܘܒܝܼܕܲܥܝܵܐ ܝܘܸܢ ܕܐܝܼܡܲܢ ܕܐܵܬܸܢ ܠܟܸܣܠܵܘܟܼܘܿܢ؛ ܒܬܲܡܵܡܵܬܘܼܬܵܐ ܕܒܘܼܪܟܬܵܐ ܕܐܹܘܵܢܓܵܠܝܼܘܿܢ ܕܡܫܝܼܚܵܐ ܒܸܬ ܐܵܬܸܢ. 30ܐܵܕܝܼܵܐ ܦܲܪܦܘܼܠܹܐ ܝܘܸܢ ܒܝܵܘܟܼܘܿܢ؛ ܐܵܚܘܿܢܘܵܬܝܼ̈؛ ܒܡܵܪܲܢ ܝܼܫܘܿܥ ܡܫܝܼܚܵܐ؛ ܘܒܚܘܼܒܵܐ ܕܪܘܼܚܵܐ؛ ܕܐܵܟܼܠܝܼܬܘܿܢ ܓ̰ܵܦܵܐ ܥܲܡܝܼ ܒܨܠܘܿܬܵܐ ܡܒܵܕܠܝܼ ܠܟܸܣ ܐܲܠܵܗܵܐ؛ 31ܕܦܵܝܫܸܢ ܦܘܼܨܝܵܐ ܡ̣ܢ ܕܐܵܢܝܼ ܕܒܝܼܗܘܼܕ ܕܠܹܐ ܝܢܵܐ ܡܲܨܝܘܼܬܹܐ؛ ܘܕܚܸܠܡܲܬܝܼ ܠܐܘܿܪܸܫܠܸܡ ܗܵܘܝܵܐ ܨܦܵܝܝܼ ܩܒܝܼܠܬܵܐ ܡ̣ܢ ܩܲܕܝܼܫܹ̈ܐ؛ 32ܕܐܵܬܸܢ ܠܟܸܣܠܵܘܟܼܘܿܢ ܒܚܲܕܘܼܬܵܐ ܒܪܸܙܵܝܹܗ ܕܐܲܠܵܗܵܐ؛ ܘܥܲܡܵܘܟܼܘܿܢ ܡܸܚܕܵܕܹ̈ܐ ܦܵܝܫܸܢ ܡܘܼܢܝܸܚܵܐ. 33ܘܐܲܠܵܗܵܐ ܕܫܠܵܡܵܐ ܗܵܘܹܐ ܥܲܡ ܟܠܵܘܟܼܘܿܢ؛ ܐܵܡܹܝܢ.